I pyetur mbi koncesionin e hemodializës dhe akuzat për abuzim me fondet publike, kreu i PD-së, Sali Berisha, e cilësoi rastin si një ...
AKTUALITET
VIDEO nga momenti/ Atentat në mes të ditës në një lokal në Elbasan, Mir Bitocit i vënë pistoletën në kokë
PiranjatPërditësimi i fundit 15 Gusht 2026, 16:19
Një ngjarje e rëndë, e cila për pak mund të kishte përfunduar me pasoja tragjike, është regjistruar në një lokal në Elbasan mesditën e kësaj të shtune.
Nga pamjet e publikuara nga “Replika”, shihet momenti para dhe gjatë përplasjes, ku një person i afrohet nga pas një shtetasi dhe i vendos armën në pjesën e pasme të kokës.
Sipas asaj që kjo media raporton, mësohet se personi që shfaqet në pamje me bluzën e zezë është identifikuar si Mir Bitoci.
Në video duket se Bitoci ndodhet fillimisht brenda ambienteve të lokalit, ku qëndron për disa momente, teksa më pas është ngritur dhe ka dalë jashtë.
Mirëpo, lëvizjet e tij duket se ndiqeshin nga një tjetër person, i cili në ato momente ndodhej pikërisht në të njëjtin lokal, duke pirë kafe në shoqërinë e një shtetaseje. Menjëherë pasi Bitoci çohet nga tavolina dhe largohet, edhe ky persona ngrihet dhe del pas tij.
Pamjet tregojnë se personi me bluzë të bardhë i afrohet nga pas shtetasit me bluzë të zezë dhe i vendos armën në kokë. Gjithçka ndodh në pak sekonda, ndërsa ajo që duhet se ndryshoi dhe parandaloi këtë tragjedi ka qenë reagimi i menjëhershëm i Bitocit i cili ka arritur të reagojë në kohë dhe të largohet me shpejtësi nga vendi.
Lidhur me këtë ngjarje nuk ka ende një reagim zyrtar nga policia dhe as një të dhënë për identitetin e personit që shfaqet në pamje me armë, motivin e veprimit të atij apo nëse ai është shoqëruar apo arrestuar nga Policia.
Teksa priten më tepër detaje nga blutë, mësohet se emri i Bitocit nuk është i panjohur në zonën e Elbasanit. Ai prej vitesh jeton jashtë Shqipërisë dhe kthehet në atdhe kryesisht gjatë periudhës së verës.
Emri i tij është përmendur në Elbasan për ngjarje dhe episode të viteve 1997-2000, ndërsa më pas ai është larguar jashtë vendit dhe, sipas informacionit të publikuar nga kjo media, nuk rezulton të ketë pasur përplasje të tjera të kësaj natyre në vitet e fundit.
