VIDEO/ Banorët e fshatit Rrodokal në Pogradec riparojnë në mënyrë vullnetare rrugën e degraduar

Banorët e fshatit Rrodokal, në njësinë administrative Mokër të Bashkisë së Pogradecit, kanë marrë kazmat dhe lopatat dhe kanë nisur vetë riparimet në rrugën që lidh fshatin me zonat e tjera përfshirë qytetin e Pogradecit.

Përmes një reagimi në redaksinë e “Piranja News”, ata thonë se rruga e tyre është e degraduar dhe se në nuk është vënë dorë nga institucionet vendore.

Ata thonë se e kanë të vështirë të transportojnë të sëmurët në spital në rast urgjence dhe për këtë arsye, janë detyruar të ndërmarrin vetë masa për ta riparuar atë. Të gjendur përballë kësaj situate, banorët thonë se kanë dalë vullnetarisht për të rregulluar vetë segmentet më problematike të rrugës, në mungesë të ndërhyrjes nga autoritetet.

Ata u bëjnë thirrje institucioneve përgjegjëse që të marrin masa për rehabilitimin e rrugës. /Piranjat News/