“Mos prisni tragjedinë!” Banorët e Lekbibajt në Tropojë denoncojnë linjën e rrezikshme elektrike

Tropojë – Një banor i zonës së Nikaj-Merturit ka bërë një denoncim publik në redaksinë e Piranjat News për gjendjen e rrezikshme të linjës së tensionit elektrik në fshatin Paplekaj të Bashkisë Tropojë.

Përmes një mesazhi dërguar redaksisë qytetari shpreh shqetësimin e tij të thellë për sigurinë e banorëve, duke theksuar se linja e rrymës elektrike paraqet një rrezik serioz për banorët e kësaj zone malore. Ai kërkon ndërhyrje të menjëhershme nga autoritetet përgjegjëse.

“Kjo është linja e rrymës elektrike në Paplekaj, Bushat, Lekbibaj. Ju lutem, reagojeni sa më shpejt që të merren masa, sepse ata paguhen për këtë punë. Është shumë rrezik për banorët e Nikaj-Merturit”, thuhet në denoncim./ Piranjat News