Një aksident rrugor me përplasjen e tre automjeteve ka ndodhur mbrëmjen e së dielës në autostradën Rrogozhinë-Lushnj&eum...
AKTUALITET
VIDEO/ Denoncim nga banorët e Yzberishtit: Pularia po e bën zonën e pabanueshme nga era e rëndë
Nga Xhuljan FerzajPërditësimi i fundit 18 August 2026, 11:54
Një grup banorësh nga zona e Yzberishtit i është drejtuar redaksisë së Piranjat News me një denoncim serioz për ndotjen e ajrit të shkaktuar nga aktiviteti i një pularie në atë zonë.
Sipas denoncuesve, çdo mbrëmje, veçanërisht në momentin kur pularia ndez ventilatorët, në zonën përreth përhapet një erë shumë e rëndë dhe e padurueshme. Era depërton në banesa dhe e bën ajrin të papërshtatshëm për të jetuar normalisht.
Problemi është bërë i përsëritur dhe serioz. Banorët janë të detyruar të përballen me këtë erë pothuajse çdo mbrëmje, duke mos mundur të mbajnë dritaret hapur apo të qëndrojnë normalisht jashtë banesave. Për shkak të intensitetit dhe shpeshtësisë së erës, zona përreth pularisë është bërë praktikisht e pabanueshme.
Në denoncimin e tyre, banorët kërkojnë:
që institucionet kompetente të kryejnë një kontroll në vend;
të verifikojnë ndikimin e aktivitetit të pularisë në cilësinë e ajrit;
të marrin masa për eliminimin ose reduktimin e ndotjes dhe erës së rëndë;
të verifikohet nëse pularia i përmbush të gjitha kushtet dhe standardet mjedisore për ushtrimin e aktivitetit pranë banesave.
“Kjo situatë nuk duhet të neglizhohet, pasi ndikon drejtpërdrejt në cilësinë e jetës së banorëve dhe në mundësinë për të jetuar normalisht në zonën përreth. Kërkojmë që ky shqetësim të trajtohet me seriozitet dhe të merren masa konkrete,” thuhet në denoncim./ Piranjat News
