VIDEO/ Çfarë po ndodh në Fushë-Krujë? Policia blindon zonën

Policia ka zbarkuar këtë mbrëmje në Fushë-Krujë dhe ka vendosur postoblloqe në të gjithë akset kryesore të zonës. Forcat blu po kryejnë kontrolle intensive, ku në fokus është kapja e personave të cilët mbajnë armë paleje, personave të shpallur në kërkim për veprimtari kriminale dhe ndalimi i atyre që kryejnë transport të lëndëve narkotike.

Nën monitorim janë vënë zonat më problematike, për shkak të prezencës së personave me të shkuar kriminale dhe zona që shërbejnë për kultivimin e lëndëve narkotike. Policia bën me dije se kontrollet do të vijojnë në mënyrë të vazhdueshme, pasi kanë si qëllim garantimin e sigurisë për banorët dhe zonën.