Deputetja e Partisë Demokratike, Jorida Tabaku, ka reaguar ndaj mënyrës se si qeveria po i paraqet të dhënat e fundit të eksport...
AKTUALITET
VIDEO/ U kap në flagrancë duke ndezur zjarre, kush është 65-vjeçari i arrestuar në Mirditë
PiranjatPërditësimi i fundit 18 Gusht 2026, 19:42
Një 65-vjeçar nga fshati Gziq, është arrestuar në flagrancë nga Policia e Mirditës, pasi u kap duke ndezur tre vatra zjarri.
Pashk Marku u arrestua pas një pune gjurmuese treditore, bazuar në informacionet operative se 65-vjeçari dyshohej se merrej me zjarrvënie të qëllimshme.
Si pasojë e zjarreve u përfshi nga flakët një sipërfaqe pyjore, ndërsa vatrat u vunë menjëherë nën kontroll nga shërbimet zjarrfikëse. Policia dhe Prokuroria vijojnë hetimet, pasi Marku dyshohet edhe për disa zjarrvënie të tjera të ndodhura në territorin e Bashkisë Mirditë.
Njoftimi:
U kap në flagrancë duke ndezur disa vatra zjarri, vihet në pranga 65-vjeçari nga fshati Gziq.
65-vjeçari u kap si rezultat i punës gjurmuese prej tre ditësh, bazuar në informacionet e siguruara në rrugë operative se ky shtetas merrej me zjarrvënie të qëllimshme.
Shërbimet e Komisariatit të Policisë Mirditë finalizuan me sukses operacionin policor të koduar “Piromani”. Pas marrjes së informacionit në rrugë operative dhe ndjekjes në terren për tre ditë, u bë e mundur kapja dhe arrestimi në flagrancë, për veprat penale “Shkatërrimi i pronës me zjarr” dhe “Shkatërrimi me zjarr i pyjeve dhe i mjedisit pyjor”, i shtetasit P. M., 65 vjeç, banues në fshatin Gziq, Njësia Administrative Rrëshen, Bashkia Mirditë.
Në momentin e kapjes, ky shtetas sapo kishte ndezur tre vatra zjarri në fshatin Gziq dhe, si pasojë, u përfshi nga zjarri një sipërfaqe pyjore. Vatrat e zjarrit u vunë menjëherë nën kontroll nga shërbimet zjarrfikëse, në bashkëpunim me shërbimet e Komisariatit të Policisë Mirditë.
Nga veprimet hetimore dyshohet se ky shtetas është autor i disa zjarrvënieve të tjera të ndodhura në territorin e Bashkisë Mirditë.
Specialistët e Hetimit të Krimit të Komisariatit të Policisë Mirditë, nën drejtimin e Prokurorisë, vijojnë punën për dokumentimin e plotë të rasteve të tjera të zjarrvënieve, për të cilat ky shtetas dyshohet si autor. Materialet procedurale do t’i kalojnë Prokurorisë për veprime të mëtejshme.
