GJKKO shpall vendimin për të pandehurit Durim Bami, Altin Morina, Aldo Avdyli, Jozi Kraja, Edison Jozvik, Heneringert Mitri dhe Oltion Zefi.
Kujtoj...
AKTUALITET
VIDEO/ “Ku ka qiell e tokë, aty jam unë”/ Lulzim Caka udhëtonte lirisht në Zvicër dhe sfidonte policinë
Piranjat NewsPërditësimi i fundit 15 Shtator 2026, 12:44
“Piranjat News” kanë zbuluar se Lulzim Caka fshihej me dy identitete, duke përdorur emrin e rremë “Pepe”. Ai përdorte dokumente të falsifikuara, kartë identiteti dhe pasaportë bullgare, spanjolle dhe italiane, me të cilën ka udhëtuar në Zvicër në muajin prill 2023. Në një video të siguruar nga Piranjat News, ku shfaqet duke udhëtuar me mjet të marrë me qira, Caka deklaron:
" Të degjeneruarit thonë që nuk lëviz dot, por ku ka qiell e tokë, aty jam unë".
Lulzim Caka, i njohur si “i tmerrshmi i Beratit”, u arrestua në Greqi i dyshuar si pjesë e një grupi që trafikonte kokainë nga Kolumbia. Arrestimi u krye në kuadër të operacionit “Lulet e së keqes”, të zhvilluar nga autoritetet greke në bashkëpunim me DEA-n amerikane.
Ai u kap së bashku me të birin në një vilë luksoze, ku u gjetën 2 kilogramë kokainë, kimikate, pajisje paketimi, një pistoletë dhe një automjet luksoz. Në total u sekuestruan rreth 84–100 kilogramë kokainë të fshehura në kërcej plastikë trëndafilash të ardhur nga Kolumbia. Më vonë u zbuluan edhe rreth 27 kilogramë të tjera pranë vendit të arrestimit.
Ndërkohë që Policia e Shtetit shqiptar e kishte shpallur në kërkim që pas lirimit të tij nga burgu në korrik 2019 (lirim i konsideruar i paligjshëm, pasi duhej të shlyente pjesën e mbetur të dënimit prej 25 vitesh për vrasje), Caka jetonte i lirë në Greqi. Ai njihej atje edhe me emrin John Franco.
Caka është një nga figurat e njohura të kronikës së zezë të viteve ’90, i dënuar më parë për vrasje dhe tentativa vrasjeje në zonën Berat-Fier-Lushnjë./ Piranjat News
