Pas krimit, i riu është larguar nga banesa, ndërsa më vonë është paraqitur vetë në kazermën e karabinierë...
AKTUALITET
VIDEO/ Momenti kur vihet në pranga 58-vjeçarja që mashtronte qytetarët me dokumente false për prona
PiranjatPërditësimi i fundit 4 September 2026, 12:28
Policia e Tiranës finalizoi operacionin e koduar “Premtimi”, duke vënë në pranga një 58-vjeçare të dyshuar për mashtrim dhe falsifikim dokumentesh. Ajo dyshohet se, së bashku me një bashkëpunëtore, ka përvetësuar mbi 100 mijë euro duke gënjyer qytetarë se do t’u zgjidhte problemet pronësore përmes ndërhyrjeve në Agjencinë Shtetërore të Kadastrës (AShK).
Sipas policisë, 58-vjeçarja S.D. u pajiste viktimat me dokumente të falsifikuara, duke pretenduuar se kishte njohje brenda AShK-së dhe mund t’u rregullonte çështjet e tyre pronësore. Si rezultat i kësaj veprimtarie, dyshohet se janë përvetësuar mbi 100 000 euro.
Në kuadër të operacionit, specialistët e Seksionit për Hetimin e Krimeve Ekonomiko-Financiare ndaluan dhe vunë në pranga S.D. Ndërkohë, për bashkëpunëtoren e saj, 27-vjeçaren S.N., materialet u referuan në Prokurori dhe ajo po hetohet në gjendje të lirë.
Gjatë operacionit u sekuestruan një shumë eurosh e dyshuar e përfituar nga kjo veprimtari, disa certifikata të dyshuara të falsifikuara dhe dy celularë.
Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprat penale “Mashtrimi”, “Falsifikimi i dokumenteve” dhe “Përvetësimi i titullit apo detyrës shtetërore”.
Policia e Tiranës falënderon gazetarët e emisionit “STOP” për bashkëpunimin dhe thekson se do të vazhdojë të hetojë çdo rast të ngjashëm me seriozitet dhe profesionalizëm.
