Ish-drejtuesi i Autoritetit Rrugor Shqiptar (ARRSH), Gentian Gjyli, dhe ish-drejtori i Korporatës Elektroenergjetike Shqiptare (KESH), Erald Elezi, jan&eum...
AKTUALITET
“Patrullonte” me kallashnikov, dalin pamjet e Ylli Zallës gjatë survejimit me dron para arrestimit nga RENEA
PiranjatPërditësimi i fundit 26 August 2026, 11:46
Dalin pamjet e operacionit për arrestimin e të shumëkërkuarit Ylli Zalla, i cili u mbajt nën vëzhgim nga Policia e Tiranës përpara se të vihej në pranga me ndihmën e forcave RENEA.
Sipas pamjeve të siguruara, Zalla është filmuar teksa lëvizte në zonë i armatosur me një kallashnikov, të cilin e mbante në krah. Gjatë operacionit, policia i sekuestroi armën e zjarrit, së bashku me tre karikatorë.
Hetuesit e Policisë së Tiranës kanë monitoruar lëvizjet e të shumëkërkuarit përmes një droni të teknologjisë së lartë, të identifikuar si “Bayraktar”.
Survejimi ka vijuar deri në momentin kur forcat RENEA kanë ndërhyrë për arrestimin e tij.
Arrestimi i Zallës vjen pas një operacioni të koordinuar të strukturave të Policisë së Tiranës, ndërsa pamjet hedhin dritë mbi mënyrën se si autoritetet e kanë mbajtur nën vëzhgim para ndërhyrjes përfundimtare.
Më herët, avokati i tij kishte pretenduar se Zalla ishte vetëdorëzuar te autoritetet, ndërsa pamjet e siguruara paraqesin survejimin e tij nga policia dhe ndërhyrjen e forcave speciale.
