16-vjeçari Arjon Xhezairi ka ndërruar jetë në Spitalin e Traumës në Tiranë, pasi nuk arriti t’u mbijetonte plagë...
AKTUALITET
Rrugorja “bën namin” në Gjirokastër/ 549 drejtues ndëshkohen për shpejtësi dhe 335 për parakalime të gabuara
PiranjatPërditësimi i fundit 1 September 2026, 09:32
Policia Rrugore e Gjirokastrës ka nisur një monitorim intensiv në të gjitha akset rrugore të qarkut, duke përdorur dronë, radarë dhe makina inteligjente.
Masat synojnë parandalimin e aksidenteve rrugore me pasoja dhe menaxhimin e trafikut të shtuar gjatë sezonit veror.
"Gjatë të njëjtës periudhë janë vendosur gjithsej 1441 masa administrative për shkelje të ndryshme të Kodit Rrugor", thekson policia.
Njoftimi i plotë:
Policia Rrugore e Gjirokastrës ka intensifikuar kontrollet në të gjitha akset rrugore urbane, interurbane dhe rurale të qarkut. Monitorimi kryhet me mjete bashkëkohore si dronë, radarë dhe makina inteligjente, me qëllim parandalimin e ngjarjeve rrugore me pasoja dhe menaxhimin e fluksit të shtuar të automjeteve gjatë sezonit veror.
Fokusi kryesor i punës është evidentimi dhe ndëshkimi i drejtuesve të mjeteve që drejtojnë nën efektin e alkoolit, në gjendje të dehur, pa leje drejtimi, që kryejnë parakalime të gabuara ose që kalojnë limitin e shpejtësisë. Këto shkelje përbëjnë ndër shkaqet kryesore të aksidenteve rrugore.
Si rezultat i monitorimit të kryer gjatë periudhës 24-31 gusht 2026, janë proceduar penalisht 4 drejtues mjetesh për veprat penale “Drejtimi i mjeteve në mënyrë të parregullt” dhe “Shkelja e rregullave të qarkullimit rrugor”. Gjithashtu, janë pezulluar 18 leje drejtimi.
Gjatë të njëjtës periudhë janë vendosur gjithsej 1441 masa administrative për shkelje të ndryshme të Kodit Rrugor, konkretisht:
335 masa për parakalime të gabuara 549 masa për qarkullim me shpejtësi tej normave të lejuara 379 masa për ndalim ose qëndrim të gabuar 18 masa për mosvendosjen e kaskës mbrojtëse 1 masë për përdorimin e celularit gjatë drejtimit të mjetit 159 masa për shkelje të tjera të Kodit Rrugor Kontrollet do të vijojnë në të gjitha akset rrugore, duke përdorur të gjitha mjetet logjistike bashkëkohore, me qëllim përmbushjen e parametrave të sigurisë rrugore.
Policia Rrugore e Gjirokastrës apelon të gjithë drejtuesit e mjeteve që të zbatojnë me rigorozitet rregullat e qarkullimit rrugor dhe të kontribuojnë në parandalimin e aksidenteve. Qytetarët ftohen të denoncojnë çdo shkelje në numrin pa pagesë 112.
