Shqiptarët po largohen në numër gjithnjë e më të madh drejt Italisë.
Gjatë vitit 2025, autoritetet italiane lëshua...
AKTUALITET
Video/ Publikohen pamjet e sherrit në Sarandë, momenti kur ndërhyjnë “Shqiponjat”
PiranjatPërditësimi i fundit 16 August 2026, 20:29
Pamje të reja janë publikuar nga përplasja fizike e ndodhur në një lokal në Sarandë, ku mbeti i dhunuar shefi i Krimeve të Komisariatit, Mateo Bakalli.
Sipas njoftimit të Policisë, Bakalli kishte ndërhyrë për të parandaluar një konflikt mes dy rojeve të lokalit dhe disa personave të tjerë që ndodheshin aty. Por ndërhyrja e tij nuk e ndali përplasjen. Personat e përfshirë vijuan konfliktin fizik dhe gjatë tij sulmuan edhe shefin e Krimeve.
Pas situatës së krijuar, Bakalli njoftoi shërbimet e Policisë dhe kërkoi ndërhyrjen e tyre.
Pamjet e publikuara tregojnë momentin kur tre efektivë të njësisë “Shqiponja” mbërrijnë në vendngjarje dhe ndërhyjnë mes personave të përfshirë në konflikt. Në pranga u vunë administratori i lokalit 'Orange' 35 vjeçari Marjo Katiraj, 38 vjeçari Elgent Ndoj por edhe Faik Hoxha 35 vjeç, Indrit Cullhaj 34 vjeç, Ardit Kasemi 31 vjeç, ushtarak në Zall-Herr dhe roje sigurie në lokal, si dhe taksisti 29 vjeçar Besnik Sullollari. Ndërsa 28 vjeçari Pjetër Doçi që punonte si roje sigurie u shpall në kërkim.
Lidhur me ngjarjen, Drejtori i Përgjithshëm i Policisë së Shtetit, Skënder Hita, pezulloi menjëherë nga detyra dy efektivë të Policisë, një punonjës të Repartit "RESI" dhe një efektiv të RENEA-s, pasi sipas Policisë rezultonin të dypunësuar pa leje si roje sigurie në lokalin ku ndodhi konflikti.
