VIDEO/ Qytetari denoncon gjendjen alarmante të mbeturinave në lagjen “Banesa” të Elbasanit

Një qytetar nga lagja Banesa në Elbasan ka publikuar një denoncim për gjendjen e rëndë të mbeturinave në zonën ku banon, duke tërhequr vëmendjen për mungesën totale të menaxhimit të mbetjeve.

Në mesazhet e publikuara, banori tregon se në Rrugën Çen Braka, nuk ka asnjë kosh mbeturinash, as rregulla dhe as ndërhyrje nga autoritetet përkatëse. Ai ka sjellë pamjet që tregojnë grumbuj të mëdhenj mbeturinash të shpërndara në rrugë dhe në hapësira të gjelbra.

“Ja si është gjendja në Banesa Elbasan. S’ka kosha, as rregulla, asgjë. Në ndërrkohë paguajmë taksa për mjedisin dhe gjendja është kjo”, shkruan qytetari për Piranjat News 

Ai shton se nuk ka asnjë masë ndëshkuese (gjoba) ndaj atyre që hedhin mbeturina në vend të gabuar, duke e konsideruar situatën si tërësisht të paqeverisur.

“Nuk funksionon asgjë. As gjoba nuk vendosin, as kosha. S’dimë çfarë të bëjmë, të ikim nga ky vend”, shprehet banori i dëshpëruar për Piranjat News.

Ky denoncim vjen në një kohë kur qytetarët paguajnë rregullisht taksën e mjedisit, por shërbimi i pastërtisë publike duket i munguar në këtë zonë të Elbasanit.

Ende nuk ka pasur reagim nga Bashkia Elbasan apo institucionet përgjegjëse për menaxhimin e mbetjeve./ Piranjat News