VIDEO/ Shtylla e ndriçimit në gjendje të amortizuar rrezikon kalimtarët pranë shkollës Bajram Curri në Durrës

Një shtyllë ndriçimi e dëmtuar rëndë po kthehet në rrezik serioz për banorët dhe veçanërisht për fëmijët në zonën e Plazhit në Durrës, pranë shkollës “Bajram Curri”.

Siç shihet edhe nga pamjet, shtylla është e ndryshkur dhe e çarë në pjesën e poshtme, duke ngritur shqetësime për qëndrueshmërinë e saj. Banorët e zonës shprehen se aty kalojnë çdo ditë nxënës të ciklit fillor, çka e shton edhe më shumë rrezikun për ndonjë incident të mundshëm.

Pavarësisht gjendjes së dukshme të amortizimit, deri më tani nuk është ndërhyrë për riparimin apo zëvendësimin e saj. Qytetarët i bëjnë thirrje institucioneve përgjegjëse që të marrin masa sa më parë për të shmangur pasoja të rënda.

Siguria në hapësirat publike, veçanërisht pranë institucioneve arsimore, duhet të jetë prioritet./Piranjat news