VIDEO/ Tym dhe hi, çfarë la pas zjarri masiv në Krujë

Pas një nate të gjatë përballë flakëve, në Krujë janë shuar vatrat e fundit të zjarrit masiv që përfshiu zonën dhe u përhap me shpejtësi drejt banesave.

Pamjet nga terreni tregojnë pasojat e zjarrit, me pemë të djegura, hi dhe sipërfaqe të mëdha toke të shkrumbuara.

Flakët u afruan rrezikshëm pranë banesave, dhe flakët prekën disa nga oborret e shtëpive, por fatmirësisht pa dëme në njerëz.

Gjatë gjithë natës, forcat zjarrfikëse dhe strukturat e emergjencave punuan për izolimin dhe shuarjen e vatrave, ndërsa aktualisht situata paraqitet nën kontroll.

Ende nuk ka një bilanc përfundimtar për sipërfaqen e përfshirë nga flakët dhe dëmet e shkaktuara.