VIDEO/ Zjarr gjatë natës në Lazarat, dyshime për zjarrvënie të qëllimshme

Një tjetër vatër zjarri është regjistruar gjatë natës në fushën e Lazaratit, pranë pompës së ujit.

Zjarrfikësit mbërritën menjëherë në vendngjarje dhe pas ndërhyrjes, zjarri u shua plotësisht rreth orës 02:45.

Ajo që ngre dyshime është fakti se zjarri u konstatua pranë së njëjtës zonë ku ishte regjistruar një tjetër vatër vetëm tre ditë më parë, edhe atëherë në orët e vona të natës.

Sipas të dhënave paraprake, dyshohet se zjarri mund të jetë i qëllimshëm. Policia po punon për zbardhjen e rrethanave.

Fatmirësisht, nga zjarri nuk pati dëme.