VIDEO/ Zjarri masiv tek pallatet e Armando Lilos, një helikopter në ndihmë për të shuar flakët

Një helikopter me ujë ka mbërritur në ndihmë për të shuar flakët  në pallatin pranë  ‘Farmacisë 10’ në kryqëzimin e rrugë së ‘Dibrës’, ku një zjarr masiv ka përfshirë një kompleks të madh banimi pasditen e sotme.

Ndërkohë zjarrifkësit po ndërhyjnë për të shuar flakët me pompë.

'Helikopteri i ushtrisë ka hedhur dy herë ujë nga ajri' informon gazetari i Syri Tv, Fatjon Gjinaj.

Bëhet fjalë për një kompleks i ri i cili ka përfunduar së fundmi. Fasada e një pjese të pallatit është përfshirë nga flakët, ndërsa është evakuar i gjithë kompleksi.

Deri tani flitet për 4 apartamente tek të cilat zjarri ka depërtuar totalisht brenda.  

Pallati i përfshirë nga flakët është i kompanisë në pronësi të Armand Lilos.