Vijon marshimi, protestuesit ndalen para Rrugës së Ambasadave, aktivisti: Qytetarët që janë kërcënuar duhet të ankohet te ambasadat

TIRANË- Protestuesit po vijojnë marshimin e tyre në kryeqytet, ndërsa janë ndaluar edhe para Rrugës së Ambasadave. Aktivisti Visar Dalipi, përmes një megafoni u bëri thirrje protestuesve që pretendojnë se janë kërcënuar të denoncojnë rastet e tyre.

Dalipi shtoi se të gjithë ata që ndihen të kërcënuar dhe janë kërcënuar, duhet të bëjnë kërkesën në ambasadë. 

“Të gjithë ata që ndihen të kërcënuar dhe janë kërcënuar, duhet të bëjnë kërkesën në ambasadë”, u shpreh aktivisti.

Gjatë marshimit ata kanë bërë thirrje për dorëheqjen e kryeministrit Rama nga qeveria. “Edi Rama, o tradhtar, me Shqipërinë mos bëj Pazar”, “Rama, jep dorëheqjen”, “Pa rini nuk ka Shqipëri”, “Poshtë patronazhistët”,

“Shqipëria e shqiptarëve, vdekje tradhtarëve”, “Shqipëria kërkon revolucion”, “O Erion, o legen, prite Ramën se po vjen” dhe "Ju erdhi fundi", këto kanë qenë disa nga thirrjet që kanë shoqëruar masrhimin e tyre madhështir dhe qytetar.