Analisti Enton Abilekaj ka reaguar për marrëveshjen që pritet të shqyrtohet në Kuvend, duke paralajmëruar se miratimi i saj pa u...
AKTUALITET
Vlora zgjohet nesër pa ujë, shkak punimet e projektit të ujësjellësit të ri
PiranjatPërditësimi i fundit 6 Prill 2026, 21:13
Qyteti i Vlorës do të përballet me mungesën e ujit ditën e nesërme. Përmes një njoftimi, Ujësjellës-Kanalizime Vlorë ka bërë me dije se në zbatim të projektit të ujësjellësit të ri të qytetit të Vlorës, nesër do të ketë mungesë të furnizimit me ujë.
Kjo pasi do të punohet për lidhjen e nyjeve të rrjetit të ri të ujësjellësit me rrjetin ekzistues në zonat: “Lungomare”, Lagjja “24 Maji” dhe Lagjja “1 Maji”.
Si rrjedhojë e kësaj, do të ndërpritet furnizimi me ujë në zonën bregdetare: Uji i Ftohtë, Lungomare, 10 Korriku, Kalaja dhe Jonufra. Ndërsa pjesa tjetër e qytetit nuk do të furnizohet me ujë vetëm gjatë orarit të pasdites së së martës.
Njoftimi i plotë:
Në zbatim të projektit të ujësjellësit të ri të qytetit të Vlorës, ditën e martë, më 7 Prill do të punohet për lidhjen e nyjeve të rrjetit të ri të ujësjellësit me rrjetin ekzistues në zonat:
“Lungomare”
Lagjja “24 Maji”
Lagjja “1 Maji”
Ujësjellës Kanalizime Rajoni Vlorë, njofton qytetarët dhe bizneset se, në kuadër të këtyre ndërhyrjeve, ditën e martë do të ketë stakim të detyruar të stacionit kryesor për shkak të punimeve.
Si rrjedhojë, do të ndërpritet furnizimi me ujë në zonën bregdetare:
“Uji i Ftohtë”
“Lungomare”
“10 Korriku”
“Kalaja”
“Jonufra”
Pjesa tjetër e qytetit nuk do të furnizohet me ujë vetëm gjatë orarit të pasdites së së martës. Gjatë mëngjesit të ditës së mërkurë, furnizimi do të vijojë normalisht.
