Demokratët Europianë kanë reaguar për protestën qytetare që zhvillohet prej më shumë se dy muajsh në Tiranë, d...
AKTUALITET
Vrasja e Edmond Sulës, policia kontrolle në Bërxullë. Arrestohet i dyshuari i parë
PiranjatPërditësimi i fundit 3 Gusht 2026, 10:05
Në kuadër të hetimeve për vrasjen e Edmond alias Ali Sulës, me vendim të Gjykatës së Tiranës janë ushtruar disa kontrolle në zonën e Bërxullës, pranë vendit ku ndodhi krimi i rëndë.
Ndër të tjera është kontrolluar edhe banesa e shtetasit J. Koni, pasi viktima dhe 44-vjeçari ishin në konflikt për prona, që është edhe një nga pistat kryesore të hetimit.
Gjatë kontrollit, policia e Tiranës gjeti një armë zjarri pistoletë dhe për pasojë vuri në pranga Konin, i cili për momentin po mbahet në paraburgim për veprën penale të armëmbajtjes pa leje. Ndërsa është duke u hetuar për dyshimet për përfshirjen në ngjarje.
Për të provuar dyshimet e tyre, hetuesit janë duke verifikuar alibinë e tij, si dhe të gjitha lëvizjet e tij përgjatë ditëve të fundit, ndërsa po analizojnë tabulatet telefonike dhe të dhënat e tjera.
Edmond Sula u qëllua me plumb në kokë në derën e shtëpisë së tij. Hetuesit dyshojnë se vrasësi ishte profesionist, nga mënyra se si ka vepruar.
Policia po heton në disa pista, nga problemet me pronat, te licenca e kultivimit të kanabisit në Maqedoninë e Veriut, për të hedhur dritë mbi vrasjen.
