Një aksident rrugor me përplasjen e tre automjeteve ka ndodhur mbrëmjen e së dielës në autostradën Rrogozhinë-Lushnj&eum...
AKTUALITET
Vrau francezin në Ksamil/ Arrestohet Sokrat Vata, ishte fshehur në bagazhin e një makine
PiranjatPërditësimi i fundit 18 August 2026, 10:31
Arrestohet Sokrat Vata, 29-vjeçari i dyshuar për vrasjen e turistit francez Miguel Mendes në Ksamil. Vata është lokalizuar dhe ndaluar në Levan të Fierit, ku dyshohet se ishte fshehur në bagazhin e një automjeti në përpjekje për t’iu shmangur policisë.
Ngjarja e rëndë ndodhi në orët e para të mëngjesit në Ksamil, ku 20-vjeçari francez Miguel Mendes u gjet pa shenja jete rreth orës 05:15, në shezlongët e një plazhi pranë një lokali.
Nga këqyrja e trupit në morgun e Sarandës, dyshohet se i riu kishte marrë disa goditje me thikë në shpinë dhe në kraharor. Plagët e marra dyshohet se kanë qenë fatale, duke shkaktuar vdekjen e menjëhershme.
Mendes kishte mbërritur në jug të Shqipërisë së bashku me një grup turistësh francezë për të kaluar pushimet.
Në lidhje me ngjarjen, policia kishte identifikuar si autor të dyshuar 29-vjeçarin Sokrat Vata, banues në Has. Ai punonte si roje plazhi në hotelin “Pronciopotes” dhe dyshohet se u largua menjëherë pas krimit.
Sipas të dhënave paraprake të hetimit, konflikti mes viktimës dhe autorit të dyshuar dyshohet se ka nisur për motive të dobëta. Në hetim është edhe pista se në qendër të përplasjes mund të ketë qenë një femër, por ky element mbetet ende për t’u verifikuar nga hetuesit.
Me arrestimin e Sokrat Vatës, grupi hetimor pritet të zbardhë rrethanat e plota të konfliktit dhe motivin që çoi në vrasjen e turistit 20-vjeçar francez.
