Nga Lutfi Dervishi
Një protestë nuk është thjesht një listë akuzash ndaj pushtetit. Kur zgjat më shumë se një muaj...
AKTUALITET
Zbardhen emrat e 21 protestuesve të arrestuar para parlamentit dhe mbahen në paraburgim, nesër dalin në gjykatë
PiranjatPërditësimi i fundit 4 Korrik 2026, 17:18
Janë zbardhur emrat e protestuesve arrestues të cilët do të dalin nesër në gjykatë për vlerësim të masës së sigurisë. Ata u arrestuan më 2 korrik 2026 gjatë protestës para parlamentit.
Protestuesit mbahen në bllokun e sigurisë deri në limitin e paraburgimit. Ndërkohë shumë familjarë të tyre ndodhen jashtë bllokut të sigurisë ti mbështesin.
Seanca gjyqësore për vleftësimin e ligjshem të ndalimit dhe caktimit të masës së sigurimit do të zhvillohen në Dhomën Penale të Gjykatës së Shkallës së Parë të Juridiksionit të Pergjithshem Tiranë, në datën 05.07.2026, ora 09:30 e në vijim.
Paraditen e 2 korrikut, policia pasi i goditi me ujë, gazlotsjellës dhe ushtroi dhunë brutale ndaj protestuesve më pas i arrestoi. Mbi protestuesit rendojnë 7 akuza, teksa nuk ka asnjë masë konkrete për policët që nuk kursyen goditjet me shkop gome e tërheqje zvarrë ndaj protestuesve dhe gazin lotsjellës.
Akuzat që rëndojnë mbi protestuesit nisin nga akuza e Shkatërrimit të prone”, “Kundërshtim i punonjësit të policisë”, “Goditje për shkak të detyrës”, “Prishje e rendit dhe e qetësisë publike”, “Organizim dhe pjesëmarrje në grumbullime dhe manifestime të paligjshme”, “Mosbindje ndaj urdhrit të ligjshëm të punonjësit të policisë” dhe “Pengim i qarkullimit të mjeteve të transportit”.
