Zjarr i madh në Krujë, flakët rrezikojnë rreth 30 banesa në lagjen Abaze

Një vatër e madhe zjarri ka përfshirë një faqe mali në lagjen Abaze të Krujës.

Flakët që po përhapen me shpejtësi kanë krijuar një situatë alarmante për banorët e zones dhe rrezikojnë t’u afrohen rreth 30 banesave, si dhe bizneseve pranë zonës së prekur nga zjarri.

Situata në terren paraqitet e vështirë, ndërsa aktualisht në vendngjarje ndodhet vetëm një automjet zjarrfikës, i cili po përpiqet të mbajë nën kontroll flakët.

Banorët kanë bërë apel për ndërhyrje nga strukturat e emergjencave, ndërsa kërkohet edhe angazhimi i një helikopteri për shuarjen e zjarrit nga ajri.