Zjarr në grumbullin e mbetjeve në Halil të Fushë-Krujës, banorët kërkojnë ndërhyrje urgjente

Një zjarr ka rënë këtë të hënë në grumbullin e mbetjeve në fshatin Halil, në Fushë-Krujë, duke shkaktuar flakë të mëdha dhe tym të dendur që po përhapet në zonë.

Sipas denoncimit të banorëve situata paraqitet shqetësuese, pasi flakët po rrezikojnë zonën përreth dhe po krijojnë ndotje të madhe nga tymi.

Banorët u bëjnë thirrje autoriteteve dhe shërbimit zjarrfikës të ndërhyjnë sa më shpejt për vënien nën kontroll të flakëve dhe shmangien e rrezikut për banesat dhe komunitetin.