Zjarr në Llakatund të Vlorës, flakët përhapen me shpejtësi nga era

Një vatër zjarri është aktivizuar rreth mesditës së kësaj të hëne në fshatin Llakatund, në Vlorë, duke përfshirë një sipërfaqe me bimësi. Për shkak të erës së fortë, flakët janë përhapur me shpejtësi, duke vështirësuar ndërhyrjen e forcave zjarrfikëse.

Në vendngjarje janë dërguar dy automjete të shërbimit zjarrfikës, të cilat po punojnë për izolimin e vatrës dhe shuarjen e flakëve.

Sipas informacioneve paraprake, nuk raportohet për persona të lënduar apo banesa të rrezikuara.

Shkaqet e rënies së zjarrit ende nuk dihen dhe pritet të zbardhen pas përfundimit të ndërhyrjes së shërbimeve përkatëse.