Zjarr në malin e Vinës në Gramsh, zjarrfikësit ecën dy orë në këmbë për të shuar flakët

Një vatër zjarri është regjistruar në malin e Vinës, në Gramsh.

Flakët u vunë nën kontroll, pavarësisht vështirësive të krijuara nga terreni i thyer dhe mungesa e aksesit për mjetet zjarrfikëse.

Për të mbërritur në zonën e prekur, efektivët e zjarrfikëses u detyruan të ecin rreth dy orë në këmbë, të pajisur me pompa krahu dhe mjete rrethanore.

Zjarrfikësja e Gramshit u bën thirrje qytetarëve të tregojnë kujdes maksimal dhe të shmangin ndezjen e zjarreve në natyrë, pasi temperaturat e larta e rrisin ndjeshëm rrezikun e përhapjes së flakëve.