16-vjeçari Arjon Xhezairi ka ndërruar jetë në Spitalin e Traumës në Tiranë, pasi nuk arriti t’u mbijetonte plagë...
AKTUALITET
Zjarret në vend, Ministria e Mbrojtjes: 31 vatra zjarri në 24 orët e fundit, 5 janë aktive
PiranjatPërditësimi i fundit 31 August 2026, 12:36
31 vatra zjarri janë raportuar në territorin e vendit gjatë 24 orëve të fundit, ndërsa 5 prej tyre vijojnë të jenë aktive. Sipas Ministrisë së Mbrojtjes, situata më problematike vijon në Dajt, në drejtim të Qafë-Priskës dhe përballë Farkës, ku zjarri mbetet aktiv.
Në qarkun Dibër janë aktive vatrat në Vajkal, Lundre dhe Ballenjë, ndërsa zjarri në Sllatinë është izoluar dhe mbahet nën mbikëqyrje. Në zonën Bershi–Kurdari–Patinë, në bashkinë Klos, vijojnë dy vatra në një sipërfaqe prej rreth 4 hektarësh.
Në Korçë, situata në Qafën e Lugut, Vithkuq, raportohet nën kontroll, ndërsa në Elbasan vatrat në malin e Dardhës dhe malin e Qukësit vijojnë të monitorohen.
Ministria e Mbrojtjes informon se deri në orën 09:00 në territorin e vendit janë raportuar 31 vatra zjarri, nga të cilat 5 mbeten aktive dhe 5 nën mbikëqyrje. Për përballimin e situatës janë angazhuar në total 319 forca operacionale dhe 24 automjete zjarrfikëse, ndërsa në mbështetje të operacioneve janë angazhuar 80 efektivë të Forcave të Armatosura dhe 2 helikopterë të Forcës Ajrore.
Situata më problematike vijon në zonën e Dajtit, në drejtim të Qafë-Priskës, përballë Farkës, ku zjarri mbetet aktiv. Sot operacioni vijon me 15 forca zjarrfikëse, 9 forca të AdZM dhe 20 efektivë të FA. Nuk raportohet rrezik për zonat e banuara. Në qarkun Dibër mbeten aktive vatrat në Vajkal, Lundre dhe Ballenjë, ndërsa vatra në Sllatinë është izoluar dhe mbahet nën mbikëqyrje. Në Vajkal vijon operacioni me 38 forca të MZSH dhe 30 efektivë të FA, ndërsa në Lundre do të angazhohen sot 20 efektivë të FA. Në të gjitha këto zona nuk raportohet rrezik për zonat e banuara. Në brezin Bershi–Kurdari–Patinë, bashkia Klos, vijojnë të jenë aktive dy vatra zjarri, në një sipërfaqe prej rreth 4 hektarësh.
Në qarkun Korçë, situata në “Qafën e Lugut”, Vithkuq, raportohet nën kontroll dhe zona mbahet nën mbikëqyrje. Nuk raportohet rrezik për zonat e banuara. Në qarkun Elbasan, vatrat në malin e Dardhës dhe malin e Qukësit vijojnë të mbahen nën mbikëqyrje. Nuk raportohet rrezik për zonat e banuara. Në qarkun Durrës, zjarri në fshatin Zallë, Fushë-Krujë, i cili u vu nën kontroll gjatë ditës së djeshme, është shuar plotësisht, falë ndërhyrjes së strukturave vendore dhe 30 efektivëve të Forcave të Armatosura.
Ndërkohë, disa vatra të tjera të raportuara gjatë 24 orëve të fundit në qarqet Tiranë, Durrës, Berat, Shkodër, Gjirokastër, Lezhë, Vlorë dhe Korçë janë shuar plotësisht ose nuk paraqesin rrezik, ndërsa strukturat vijojnë monitorimin në zonat ku është e nevojshme. Agjencia Kombëtare e Mbrojtjes Civile (AKMC) vijon të ndjekë në mënyrë të pandërprerë situatën në të gjithë territorin e vendit, në koordinim të ngushtë me prefekturat, bashkitë dhe të gjitha strukturat e sistemit të Mbrojtjes Civile. Kapacitetet operacionale mbeten të angazhuara në terren dhe në gatishmëri për të ndërhyrë aty ku situata e kërkon, me prioritet mbrojtjen e jetës, banesave dhe pasurisë së qytetarëve.
