Zjarret/ Normalizohet situata në fshatrat Ngraçan, Rriban dhe Panahor

Në zonat e Ngraçanit, Rribanit dhe Panahorit, situata është përmirësuar gjatë pasdites, megjithëse në terren vijojnë të jenë aktive disa vatra të cilat po monitorohen për të shmangur përhapjen e flakëve.

Ndërkohë, fokusi i ndërhyrjes është zhvendosur në Drenie, ku situata paraqitet më problematike. Era e fortë ka favorizuar riaktivizimin e vatrave dhe përhapjen e flakëve drejt zonave pyjore të Drenies dhe Vloshtit.

Zjarri fillimisht ishte shfaqur në Rriban, por ndryshimi i drejtimit të erës bëri që flakët të avancojnë drejt pyjeve të Drenies.

Forcat në terren dhe mjetet ajrore po vijojnë ndërhyrjen për izolimin e vatrave. Deri në këto momente, zjarri në Drenie nuk raportohet të përbëjë rrezik për banesat.