Pas krimit, i riu është larguar nga banesa, ndërsa më vonë është paraqitur vetë në kazermën e karabinierë...
AKTUALITET
Zjarret shkrumbojnë Shqipërinë/ Kreu i Emergjencave Civile tregon zonat më të rrezikshme
PiranjatPërditësimi i fundit 7 September 2026, 16:37
Kreu i Emergjencave Civile Haki Çako ka dhënë detaje mbi situatën e zjarreve në vend, duke theksuar se vatrat më shqetësuese gjatë natës kanë qenë në zonën e Shkodrës, Ungrej të Lezhës dhe në Burrel.
Çako tha se gjatë natës janë regjistruar vatra të shumta edhe në qytete të tjera dhe në zona rurale. Sipas tij, ndryshimi i drejtimit të erës favorizon përhapjen e shpejtë të flakëve dhe e bën më të vështirë ndërhyrjen nga toka.
“Vatra me shqetësuese ka qenë në zonën e Shkodrës, por edhe në Ungrej të Lezhës dhe në Burrel. Ka pasur gjatë natës vatra të shumta edhe në qytete të tjera apo në zona rurale. Me ndryshimin e drejtimit të erës zjarri merr përmasa në një kohë shumë të shpejtë dhe e vështirëson ndërhyrjen nga toka.
Por është e pamundur, për të mos thënë është jashtëzakonisht e vështirë të kuptojmë qartësisht se çdo zjarr fiket me helikopter.
Është krijuar një psikologji se çdo zjarr duhet të ketë helikopterin, por kjo është e pamundur. Kapacitetet tona kanë qenë të plota. Kemi aktivë 4 helikopter dhe dy helikopter air traktor”, tha Çako për News24, ndërsa theksoi se shumica e rasteve janë zjarrvënie e qëllimshme.
