Kryetari i Partisë Demokratike, Sali Berisha, ka akuzuar kryeministrin Edi Rama se po ndërmerr veprime ndaj kryebashkiakut Erion Veliaj nga frika se m...
Studentët nuk e kanë ndalur protestën e tyre në Tiranë. Të rinjtë kanë vijuar marshimin nëpër universitetet e...
AKTUALITET
'Zjarri 5 metra larg shtëpive, asnjë nuk po punon’, banori: Helikopterët dhe policia nuk kanë ardhur
PiranjatPërditësimi i fundit 13 August 2026, 14:32
Situata e zjarreve në Krujë vijon të jetë alarmante, ndërsa flakët janë afruar pranë banesave dhe rrezikojnë drejtpërdrejt shtëpitë e banorëve.
Në një prononcim për Syri TV, një banor i zonës ngre shqetësimin për mungesë të ndërhyrjes nga strukturat në terren.
Ai thotë se zjarri është afruar vetëm pak metra nga banesat dhe nuk kishte parë ndërhyrje efektive.
Banori:“Banesat rrezikohen shumë, jo shumë banesa, po rrezikohen komplet shtëpiat dhe zjarri është pothuajse 5 metra nga zjarri. Zjarri ka mbërrit te shtëpiat. Policia, helikopterë fare, fare, fare nuk kanë ardhë.”
Gazetari e pyet banorin nëse në terren ndodhen forcat e ushtrisë dhe nëse po ndërhyjnë për shuarjen e flakëve.
Gazetari: “A ka njerëz që po punojnë atje, forcat e ushtrisë?”
Banori: “Forcat e ushtrisë asnjëri nuk po punon fare. Të gjithë po rrinë rehat.”
Banori pretendon se edhe forcat tokësore nuk po kryejnë ndërhyrje për frenimin e zjarrit.
Gazetari: “Me një fjalë, nuk po bëjnë punën për të cilën kanë ardhur.”
Banori: “Asnjë lloj pune s’janë tu bë. Helikopterët nuk kanë ardhë. Forca ndërhyrje të shpejtë, asnjë.”
Gazetari: “Po këto forcat nga toka a po punojnë momentalisht?”
Banori: “Asnjë s’po punon fare.”
Deklaratat e banorit ngrenë pikëpyetje serioze mbi nivelin e ndërhyrjes në një situatë ku flakët, janë afruar deri pranë banesave.
