Një autobus është përfshirë nga flakët pranë Kalasë së Beratit.
Sipas informacioneve paraprake, nuk raport...
AKTUALITET
Zjarri në hotelin e Vlorës, inxhinierja: Inspektorët e ISHTIT nuk zbatuan ligjin
PiranjatPërditësimi i fundit 17 Gusht 2026, 20:29
Zjarri në hotelin në Vlorë ka rikthyer në vëmendje problematikën e sistemeve të mbrojtjes nga zjarri në objektet akomoduese.
Kryetarja e Unionit të Inxhinierëve, Dëshira Mëna, tha në TCH se një sistem funksional i mbrojtjes nga zjarri mund t’u kishte dhënë pushuesve kohën e nevojshme për të dalë nga hoteli dhe për të shmangur pasojat e rënda.
“Sistemi i mbrojtjes nga zjarri është sistemi më i rëndësishëm në çdo objekt dhe në çdo ndërtesë. Ky sistem duhet të funksionojë në projekt, në zbatim dhe më pas vjen faza e tretë, që është edhe më e rëndësishme se dy të parat: mirëmbajtja dhe shërbimi që u bëhet këtyre sistemeve. Këto janë tre hallkat që parandalojnë të gjitha këto ngjarje”, u shpreh Mëna.
Sipas saj, në rastin e hotelit në Vlorë dyshohet se kanë dështuar disa elementë të rëndësishëm të sigurisë. Mëna ngre pikëpyetje edhe mbi kontrollet e institucioneve përgjegjëse.
“Nëse thuhet se zjarri ka ardhur nga një prizë treshe, atëherë lind pyetja pse nuk ka funksionuar automati që ndërpret energjinë. Dhe e dyta, nuk ka funksionuar detektori, që është spiuni dhe paralajmëruesi i parë. Fakti që nuk ka funksionuar do të thotë se nuk ka pasur ose nuk ka qenë në gjendje pune. Kush i kontrollon këto sisteme? Ai që e ka këtë detyrë është ISHTI”, deklaroi ajo.
Ekspertja thekson se raste të tilla nuk janë të izoluara dhe se mungesa e mirëmbajtjes së sistemeve të sigurisë mund të kthehet në rrezik serioz për jetën e njerëzve.
Zjarri në hotelin në Vlorë shpërtheu në orët e para të mëngjesit të së dielës. 6 persona mbetën të lënduar, ndërsa disa prej tyre u detyruan të hidhen nga lartësia për t’u shpëtuar flakëve.
