Zjarri nga telat e energjisë përfshin Përlatin në Mirditë, flakët afrohen drejt banesave dhe shkollës

Një situatë e vështirë raportohet në Përlat të Mirditës, ku një zjarr është përhapur në zonë pas përplasjes së telave të energjisë elektrike, të shkaktuar nga era e fortë.

Flakët janë përhapur me shpejtësi, të favorizuara nga erërat dhe kushtet e thata të motit.

Zjarri ka përfshirë një sipërfaqe të zonës, ndërsa forcat në terren po punojnë për ta vënë nën kontroll dhe për të parandaluar afrimin e flakëve drejt banesave.

Në rrezik paraqitet edhe shkolla e fshatit, çka ka shtuar shqetësimin e banorëve.

Përballë situatës, banorët janë bashkuar me ekipet në terren dhe po ndihmojnë në përpjekjet për kufizimin e zjarrit.

Ndërhyrja vijon, ndërsa përparësia mbetet mbrojtja e banesave dhe e objekteve pranë zonës së përfshirë nga flakët.