Në fjalën e saj në Komisionin për Evropën dhe Punët e Jashtme, deputetja e PD, Albana Vokshi ka ngritur me tone të forta &cce...
BOTA
18 vite nga Pavarësia e Kosovës, Vuçiç sulmon Perëndimin: U shkel e drejta ndërkombëtare
PiranjatPërditësimi i fundit 17 February 2026, 22:37
Presidenti i Serbisë, Aleksandar Vuçiç, ka reaguar në 18-vjetorin e shpalljes së pavarësisë së Kosovës, duke e cilësuar njohjen e saj si momentin kur, sipas tij, u hap “Kutia e Pandorës” e padrejtësisë dhe shkatërrimit të shteteve sovrane.
Në një intervistë për mediat serbe, Vuçiç deklaroi se pas 18 vitesh duhet analizuar se sa, sipas tij, kanë qenë “katastrofike” pasojat e vendimeve të marra në vitet 1999 dhe 2008, jo vetëm për Serbinë, por edhe për Evropën dhe rendin ndërkombëtar.
Ai akuzoi NATO-n, Bashkimin Evropian dhe Shtetet e Bashkuara se në atë periudhë vepruan duke anashkaluar të drejtën ndërkombëtare, duke shtuar se vendimet e fuqive të mëdha shënuan, sipas tij, fillimin e dobësimit të rendit botëror.
“Është mirë të analizohet pas 18 vitesh se sa katastrofike ishin pasojat, jo vetëm për Serbinë, jo vetëm për rajonin, por edhe për Evropën dhe botën ato vendime tepër të gabuara. Si NATO, ashtu edhe Evropa dhe Amerika në vitin 2008 dhe sigurisht edhe në vitin 1999… me vendimin e të fuqishmëve, të cilët në atë kohë as nuk interesoheshin dhe për të drejtën ndërkombëtare.
Ata mendonin se ishin të gjithëpushtetshëm dhe të plotfuqishëm, se ishin përfaqësues të Zotit të cilët, me mjetet, armët dhe pasurinë e tyre të madhe, mund të shpërndanin drejtësi me zjarr dhe shpatë ashtu siç dëshironin. Ata duhet të shpjegojnë dhe të përdorin të njëjtat argumente që përdorëm ne 18 ose 27 vjet më parë. Është e qartë se fillimi i rënies së rendit botëror ishte në atë periudhë midis viteve 1999 dhe 2008.
Mund të flas edhe për gabimet tona në vitet ’90 dhe 2000 me angazhimin e pamjaftueshëm, për konfliktet e brendshme që prodhuan tensione në atë kohë dhe kur nuk kishim një lidership mjaftueshëm të fortë për të mbështetur popullin dhe vendin e tyre, ata shqetësoheshin vetëm për një lloj rezultati zgjedhor, por në fund të fundit, kanë kaluar 18 vjet, çdo vit po bëhet më e vështirë, por ata nuk arritën ta thyenin Serbinë”, tha Vuçiç
