“Mos e prek Memaliajn!” Me këtë mesazh dhe pankarta në duar, banorë të Memaliajt dolën në aksin kryesor që l...
BOTA
Alarm në oqean/ Pse po ngordhin njëra pas tjetrës balenat gjigante?
PiranjatPërditësimi i fundit 7 Maj 2026, 11:40
Një balenë gjigante 40-tonëshe ka ngordhur pasi mbeti e bllokuar në brigjet e ishullit Samish, në shtetin amerikan të Uashingtonit, duke ngritur alarmin për një fenomen gjithnjë e më shqetësues përgjatë bregdetit të Paqësorit.
Ekspertët thonë se ky nuk është një rast i izoluar. Vetëm gjatë vitit të fundit janë raportuar të paktën 16 vdekje balenash në këtë zonë, ndërsa që nga muaji mars janë regjistruar mbi 13 raste bllokimesh në bregdet.
Balena e ngordhur ishte një mashkull mbi 18 metra i gjatë dhe i përkiste species “fin whale”, balena e dytë më e madhe në botë pas balenës blu. Kur ekipet e shpëtimit mbërritën në vendngjarje, kafsha ishte në gjendje të rëndë dhe tepër e dobësuar.
Sipas studiuesve, shumë nga këto balena mund të jenë duke ngordhur nga uria. Ndryshimet klimatike dyshohet se po ndikojnë drejtpërdrejt në pakësimin e burimeve ushqimore në Arktik dhe Alaskë, zona nga ku ushqehen balenat që kalojnë në këto ujëra.
Autoritetet amerikane kanë nisur hetimet për të përcaktuar shkakun e saktë të vdekjes, ndërsa ekspertët paralajmërojnë se fenomeni mund të jetë një sinjal i fortë i krizës mjedisore që po prek oqeanet./Përktheu Piranjat News
