Detaje të reja kanë dalë nga rasti i abuzimit me fondet e degës së Postës Shqiptare në Durrës, ku një auditim i Dre...
BOTA
Ariu “skifter serial” terrorizon një qytet në Japoni, hyn nëpër shtëpi dhe...
PiranjatPërditësimi i fundit 15 Korrik 2026, 17:32
Autoritetet japoneze kanë nisur një operacion për kapjen e një ariu të zi aziatik, i cili dyshohet se ka hyrë në të paktën 14 banesa brenda vetëm dy javësh në një qytet të vogël në Japoni, duke vjedhur ushqime nga frigoriferët e banorëve.
Rasti më i fundit u regjistrua të hënën në mbrëmje, kur 87-vjeçari Mitsuo Matsubara dëgjoi zhurma që vinin nga kuzhina e shtëpisë së tij. Kur shkoi të shihte se çfarë po ndodhte, ai u përball ballë për ballë me një ari të madh të zi.
I moshuari konstatoi se frigoriferi ishte hapur, ndërsa ushqimet ishin shpërndarë në dysheme. Ai lajmëroi menjëherë bashkëshorten, e cila telefonoi policinë.
Sipas autoriteteve, ky ishte rasti i 14-të i raportuar në qytetin e Shizuokës brenda dy javësh, duke ngritur dyshimet se pas të gjitha incidenteve fshihet i njëjti ari.
Në një tjetër incident, një banor u kthye nga supermarketi dhe gjeti ariun brenda shtëpisë, pranë dhomës ku flinte babai i tij i moshuar. Burri arriti ta trembte kafshën duke përplasur një derë, por më pas u detyrua ta mbante të mbyllur për rreth 30 sekonda, ndërsa ariu përpiqej të hynte sërish.
Një natë më vonë, një grua e gjeti ariun në kuzhinën e saj, ndërsa të dielën kafsha hyri në një pastiçeri dhe vodhi petulla nga frigoriferi.
Ekspertët paralajmërojnë se raste të tilla janë bërë gjithnjë e më të shpeshta në Japoni. Sipas tyre, tkurrja e popullsisë në zonat rurale dhe zgjerimi i habitatit të arinjve kanë bërë që këto kafshë të humbasin frikën nga njerëzit dhe të futen gjithnjë e më shpesh në zonat e banuara në kërkim të ushqimit./PiranjatNews/
