L
Një plagosje me thikë ka ndodhur rreth mesditës në Durrës, në zonën e Shkozetit. Një i ri, rreth 25 vjeç, &eum...
BOTA
BE 'hap derën' për “zgjidhje të reja”/ Meloni: Modeli i emigracionit Itali-Shqipëri po kthehet në qasje europiane
PiranjatPërditësimi i fundit 17 Maj 2026, 15:24
Kryeministrja e Italisë Giorgia Meloni ka deklaruar se modeli i menaxhimit të emigrantëve që Italia ka ngritur në Shqipëri po shihet gjithnjë e më shumë si një qasje që po mbështetet edhe nga vende të tjera europiane.
Ajo reagoi në rrjetet sociale pas një deklarate të miratuar në Chişinău nga ministrat e jashtëm të 46 shteteve anëtare të Këshilli i Europës.
Sipas saj, dokumenti njeh mundësinë që shtetet të përdorin zgjidhje të reja për menaxhimin e emigracionit, përfshirë qendra riatdhesimi në vende të treta, një model që lidhet me nismën italiane në Shqipëri.
Meloni tha se kjo qasje, që më herët ishte e debatueshme, tani po shndërrohet në një praktikë më të gjerë europiane.
Ajo shtoi se Italia ka luajtur rol në hapjen e kësaj rruge, në bashkëpunim edhe me vende të tjera europiane.
Zëvendësministri i Jashtëm italian, Massimo Dell’Utri, gjatë mbledhjes në Moldavi, u shpreh se deklarata e re synon të balancojë të drejtat e migrantëve me nevojën për siguri të shteteve dhe menaxhim më efikas të flukseve migratore.
Sipas tij, dokumenti mbështet përdorimin e instrumenteve të reja dhe bashkëpunimin me vende të treta për të luftuar emigracionin e paligjshëm dhe trafikun e qenieve njerëzore.
Deklarata gjithashtu riafirmon rolin e Konventës Europiane për të Drejtat e Njeriut si bazë e sistemit juridik europian dhe përfshin mbështetje të gjerë për Ukrainën, si dhe krijimin e një tribunali të posaçëm për krimet e agresionit.
