Një tjetër protestë qytetare është thirrur këtë të hënë, më 27 korrik, përpara Parlamentit, me thi...
BOTA
Cunami i dytë më i madh i regjistruar ndonjëherë, 1.5 herë më i madh se Kulla Eiffel
PiranjatPërditësimi i fundit 6 Maj 2026, 18:37
Një cunami i përmasave ekstreme, i konsideruar si i dyti më i madh i regjistruar ndonjëherë, është dokumentuar në Alaska, sipas një studimi të ri shkencor.
Fenomeni ndodhi më 10 gusht 2025 në Tracy Arm Fjord, ku vala u ngjit deri në 481 metra lartësi, rreth 1.5 herë më e madhe se Kulla Eiffel. Kjo e rendit atë të dytin në histori, pas cunamit të vitit 1958 në Gjiri Lituya, i cili arriti deri në 524 metra.
Sipas studiuesve, ngjarja u shkaktua nga një rrëshqitje masive dheu, e lidhur me tërheqjen e shpejtë të një akullnajeje që kishte humbur rreth 500 metra brenda pak javësh. Shkencëtarët nga University College London theksojnë se ky proces mund të jetë i ndikuar nga ndryshimet klimatike.
“Fjordet me akullnaja që po tërhiqen po përjetojnë rritje të turizmit, por janë gjithashtu në vijën e parë të ndikimeve të klimës dhe mund të jenë të rrezikshme”, tha studiuesi Dr. Stephen Hicks.
Ngjarja, e publikuar në revistën Science, ka habitur ekspertët, të cilët theksojnë se zona nuk ishte identifikuar më parë si e rrezikshme. Sipas tyre, sasia e materialit shkëmbor që ra në ujë ishte e barabartë me rreth 24 Piramida të Gizës.
