Një tjetër tentativë e negociatorëve për të bindur 35-vjeçarin të dorëzohet është zhvilluar pak minut...
BOTA
Dështoi transplanti i zemrës një pjesë e organit del e dëmtuar/ Hetuesit: Akulli gjatë transportit rezultoi me probleme – Hetimet drejt drejtorit të spitalit
PiranjatPërditësimi i fundit 19 Shkurt 2026, 16:15
Në Napoli, hetimet për rastin e djalit 2-vjeçar të cilit i është transplantuar një zemër e dëmtuar vazhdojnë intensivisht. Aktualisht janë të përfshirë dy prokurori,ajo e Bolzanës dhe ajo e Napolit, gjashtë persona janë nën hetim, por lista e të dyshuarve mund të rritet.
Sipas agjencisë Ansa, aktet e hetimit të hapur në Bolzano, pas denoncimit të Federatës të Konsumatorit, pritet të arrijnë së shpejti në Napoli. Hetimet fokusohet te përdorimi i akullit të thatë në vend të akullit tradicional gjatë transportit të zemrës nga Bolzano në Napoli, duke sjellë dëmtimin e saj.
Në Ospedali Monaldi, ku zemra u transplantua, problemet në komunikim kanë bërë që zemra e dëmtuar të implantohej para se mjekët të kuptonin se organi ishte i papërdorshëm. Zemra nuk ka filluar të funksionojë pas transplantit, dhe fëmija është vendosur në makinerinë Ecmo, e cila mbështet aktivitetin kardiak dhe respirator./Piranjat News/
Avokati i familjes, Francesco Petruzzi, shpjegon: “Operacioni fillon para se organi të arrijë, por ka një pikë ,një kufi që nuk duhet kaluar. Kirurgu i përvojës nuk e priste të gjente një zemër të djegur. Nëse nuk do të ishte tejkaluar ky kufi, fëmija do të kthehej në shtëpi me vetëm një shenjë kirurgjikale.”
Ndërkohë, inspektorët e Ministrit të Shëndetësisë, Orazio Schillaci, janë në Napoli për të hetuar rastin dhe më pas do të shkojnë në Bolzano për të dokumentuar çdo hap të ngjarjes.
Familja e vogëlushit po pret dokumentacionin mjekësor dhe raportin e Heart Team, për të kërkuar mundësi të reja për transplant. Avokati Petruzzi thekson se vetëm pas shqyrtimit të dokumentacionit mund të vlerësohet nëse ka ende shanse klinike për fëmijën./Piranjat News/
