L
Një plagosje me thikë ka ndodhur rreth mesditës në Durrës, në zonën e Shkozetit. Një i ri, rreth 25 vjeç, &eum...
BOTA
Detaje tronditëse se u ekzekutua nga një helm bretkose/ Nëna e Navalny-t: Gjithmonë e dija se ai ishte vrarë
PiranjatPërditësimi i fundit 16 Shkurt 2026, 16:59
Nëna e Alexei Navalny, ka deklaruar se parandjenja e saj se djali i saj vdiq nga helmimi e ka vërtetuar bindjen se ai është vrarë. Të shtunën, Mbretëria e Bashkuar dhe aleatët evropianë nxorën një deklaratë duke thënë se Navalny, i cili vdiq në vitin 2024, u vra duke përdorur një helm të zhvilluar nga një toksinë bretkose shigjetë dhe se vetëm shteti rus kishte mjetet, motivin dhe mundësinë për të përdorur këtë toksinë vdekjeprurëse.
"Kjo konfirmon atë që e dinim që nga fillimi", tha Lyudmila Navalnaya ndërsa vizitoi varrin e djalit të saj në Moskë të hënën, përvjetori i dytë i vdekjes së tij. "Ne e dinim se djali ynë nuk vdiq thjesht në burg, ai u vra."
Rusia i ka hedhur poshtë akuzat.
"Sigurisht, ne nuk i pranojmë akuza të tilla. Ne nuk pajtohemi me to, i konsiderojmë të anshme dhe të pabaza. Dhe, në fakt, i hedhim poshtë me vendosmëri", tha të hënën zëdhënësi i Kremlinit, Dmitry Peskov.
E veja e Navalny-t, Yulia ka shkruar në një postim në rrjetet sociale: "Ne kemi arritur të vërtetën dhe do të arrijmë edhe drejtësinë një ditë".
Ajo më parë tha se analiza e mostrave biologjike të kontrabanduara, e kryer nga laboratorët në dy vende, tregoi se burri i saj ishte vrarë dhe i sfidoi institucionet që të publikonin rezultatet e tyre.
Kremlini nuk i komentoi deklaratat e saj në atë kohë.
Navalny ishte 47 vjeç kur vdiq në bur ku po vuante një dënim me 19 vjet për "ekstremizëm". Një kritik i ashpër dhe karizmatik i Presidentit Vladimir Putin, ai organizoi fushata që nxirrnin në pah korrupsionin e nivelit të lartë në qeveri, duke nxjerrë qindra mijëra njerëz në rrugë dhe duke u bërë i njohur jashtë vendit si udhëheqësi i vetëm i opozitës në Rusi. Ai i mbijetoi një helmimi të dyshuar me agjentin nervor Novichok në vitin 2020, për të cilin mori trajtim në një spital gjerman.
Ai u kthye në Rusi vitin pasardhës, duke thënë se nuk donte të hiqte dorë. Në atë kohë, Kremlini tha se Navalny kishte vdekur nga shkaqe natyrore. Edhe pse autoritetet fillimisht refuzuan të lironin trupin e tij, ai u varros përfundimisht në Moskë në mars të vitit 2024. Funerali i tij, në të cilin morën pjesë mijëra të pikëlluar që sfiduan frikën, ishte hera e fundit që rusët u mblodhën publikisht./Piranjat.news
