Microsoft po ofron një plan të ri për largim vullnetar nga puna për rreth 60,000 punonjës në Shtetet e Bashkuara, Kanada, Indi dh...
BOTA
Dosja “Epstein”, prokurorja amerikane i dërgon Kongresit listën me personazhet publikë, mes tyre ish-presidentë dhe artistë (Emrat)
PiranjatPërditësimi i fundit 15 February 2026, 18:26
Prokurorja e Përgjithshme e SHBA-së, Pam Bondi, ka njoftuar se janë publikuar të gjitha dosjet që lidhen me çështjen ndaj financierit të ndjerë Jeffrey Epstein, në përputhje me Seksionin 3 të Aktit të Transparencës së Dosjeve Epstein.
Në letrën drejtuar Kongresi i Shteteve të Bashkuara, të publikuar më 14 shkurt, Bondi përfshiu një listë përfundimtare me rreth 300 individë të profilit të lartë, të cilët janë përmendur të paktën një herë në dokumentet e deklasifikuara. Në këtë listë përfshihen emra si Bill Gates, Kim Kardashian dhe figura të tjera publike.
Sic njofton Dailymail, administrata e presidentit Donald Trump ka bërë publike miliona email-e, fotografi dhe dokumente që lidhen me hetimet dhe procedurat ndaj Epstein. Publikimi është realizuar në disa faza gjatë muajve dhjetor dhe janar, pas një procesi të gjatë shqyrtimi nga punonjës federalë.
Sipas dokumentit, lista përfshin persona që “janë ose kanë qenë zyrtarë qeveritarë ose persona të ekspozuar politikisht” dhe që rezultojnë të përmendur në materialet e publikuara nga Departamenti i Drejtësisë i SHBA. Zëvendësi i saj, Todd Blanche, theksoi se emrat shfaqen në një “larmi të gjerë kontekstesh”.
Në dosje përmenden gjithashtu figura politike dhe artistike, përfshirë familjen e ish-presidentit Barack Obama dhe këngëtarin Bruce Springsteen. Ndërkohë, rasti Epstein ka pasur pasoja të gjera ndërkombëtare, përfshirë ndikimin në reputacionin e figurave si Prince Andrew, i cili u tërhoq nga detyrat mbretërore pas polemikave të lidhura me çështjen.
Autoritetet kanë theksuar se përmendja e një personi në dosjet e publikuara nuk nënkupton fajësi apo përfshirje në veprimtari të paligjshme. Publikimi i plotë i dokumenteve konsiderohet si mbyllja zyrtare e procesit të deklasifikimit të dosjes Epstein, një çështje që prej vitesh ka pasur ndikim të madh në politikë, biznes dhe opinionin publik.
Sipas letrës së publikuar nga Bondi, në listën përfundimtare janë përfshirë edhe Diana Ross, Melinda Gates, Tucker Carlson, Beyoncé dhe Meghan Markle, duke përbërë një katalog gjithëpërfshirës të personazheve të famshëm të përmendur në dosje.
Letra shton se “Asnjë e dhënë nuk u mbajt ose u redaktua ‘në bazë të turpit, dëmtimit të reputacionit ose ndjeshmërisë politike, duke përfshirë edhe atë ndaj ndonjë zyrtari qeveritar, figure publike ose dinjitari të huaj’.”
Akti i Transparencës së Dosjeve Epstein, i cili po zbatohet nga administrata pas nënshkrimit të tij nga Donald Trump më 19 nëntor 2025, kërkon publikimin e të gjitha të dhënave të paklasifikuara që lidhen me Jeffrey Epstein dhe bashkëpunëtoren e tij të dënuar, Ghislaine Maxwell.
Sipas ligjit, vetëm elementët që mbrojnë identitetin e viktimave, detajet e hetimeve aktive dhe materialet e abuzimit seksual me fëmijë mund të redaktohen. FBI ka vlerësuar se numri total i viktimave të Epstein mund të kalojë 1,000.
Organizimi i Dosjeve
Jeffrey Epstein Ghislaine Maxwell Regjistrat e fluturimeve dhe udhëtimet Individët e përfshirë në aktivitetet kriminale të Epstein Detaje mbi entitetet korporative, jofitimprurëse, akademike ose qeveritare të lidhura me Epstein Marrëveshjet e imunitetit që përfshijnë Epstein dhe bashkëpunëtorët e tij Komunikimet e brendshme të Departamentit të Drejtësisë Komunikimet lidhur me shkatërrimin e provave të Epstein Dokumentacioni i ndalimit dhe vdekjes së Epstein
Bondi gjithashtu sqaroi se çfarë informacioni ishte mbajtur e fshehur gjatë publikimit të dosjeve, duke respektuar ligjin dhe sigurinë e viktimave..
