“Mos e prek Memaliajn!” Me këtë mesazh dhe pankarta në duar, banorë të Memaliajt dolën në aksin kryesor që l...
BOTA
E pabesueshme: Pas shumë vitesh, qeni i humbur ribashkohet me familjen e tij
PiranjatPërditësimi i fundit 28 Mars 2026, 12:22
Është një mrekulli e vërtetë!
Një familje nga Philadelphia nuk u besonte syve kur qeni i tyre i dashur u rikthye papritur në jetën e tyre këtë javë – pothuajse 11 vjet nga dita kur u zhduk.
Një hajdut i pamëshirshëm kishte rrëmbyer qenin e tipit terrier — emri i plotë i të cilit është 40Cal, por që thirret Forty — së bashku me një qen tjetër nga oborri i shtëpisë së familjes në zonën Mayfair në maj të vitit 2015, sipas ABC 6.
Qeni tjetër u kthye, por Forty nuk u kthye kurrë në shtëpi. Familja, e cila e kërkoi me dëshpërim për vite me radhë, më në fund humbi shpresën dhe u zhvendos në Luzerne County – por nuk e harroi kurrë anëtarin e tyre të humbur me katër këmbë. Pronarja e tij, Jourdyn, madje kontaktoi kompaninë që kishte prodhuar mikroçipin e Forty-t dy muaj më parë për të përditësuar të dhënat e kontaktit – edhe pse besonte se qeni, tashmë i moshuar, me shumë gjasë kishte vdekur.
Pikërisht për këtë arsye, ACCT Philly — shërbimi i kujdesit dhe kontrollit të kafshëve të qytetit që e gjeti Forty-n, tashmë të moshuar, duke endur rrugëve të shtunën në mbrëmje — arriti t’i kontaktonte dhe t’u jepte lajmin e pabesueshëm. “Mendova se ishte shaka. Është e jashtëzakonshme dhe nuk mund ta besoj që pas kaq vitesh ai u kthye tek ne,” tha Jourdyn për ABC 6, duke u përpjekur të mbante lotët.
Pronarja “tejet e lumtur” dhe familja e saj udhëtuan për në Filadelfia ditën tjetër dhe u ribashkuan me Forty-n për herë të parë pas më shumë se një dekade.
“Ai është shumë i moshuar dhe do ta marrim në shtëpi me ne që të jetojë jetën më të mirë për pjesën e mbetur të kohës që kemi me të,” tha Jourdyn.
Zyrtarët e shpëtimit të kafshëve theksuan rëndësinë e përditësimit të të dhënave të mikroçipit për kafshët e humbura dhe inkurajuan njerëzit që gjejnë kafshë endacake t’i kontrollojnë për mikroçip para se të supozojnë se nuk kanë një shtëpi.
“Forty ishte qartësisht i mirëmbajtur vitet e fundit, me thonj të prerë dhe shumë i pastër, por ai mund të ishte kthyer tek familja e tij shumë më herët nëse do t’i ishte kontrolluar mikroçipi,” tha një përfaqësues i strehës së kafshëve.
“Të ndihmosh një kafshë në nevojë është për t’u lavdëruar, por njerëzit duhet të kontrollojnë për pronarët para se të vendosin ta mbajnë një kafshë.”/Përktheu Piranjat News
