E pazakontë/ “Çmendet” burri në Times Square, del krejtësisht lakuriq dhe shëtit mes turistëve (FOTO)

Një ngjarje e pazakontë ka ndodhur në Times Square të Nju Jorkut, ku një burrë krejtësisht i zhveshur ka shëtitur mes turistëve dhe kalimtarëve, duke shkaktuar habi dhe reagime të shumta.

Pamjet e siguruara ekskluzivisht nga The Post tregojnë burrin, i cili dukej i hutuar, duke ecur pa rroba në West 42nd Street, në një nga zonat më të frekuentuara të qytetit.

Situata ishte e pazakontë edhe për “Naked Cowboy”, një prej personazheve ikonë të Times Square, i cili, pavarësisht pseudonimit, mban të brendshme krahas kapelës së kaubojit dhe kitarës.

“Nuk është ide e mirë”, tha ai, pasi mësoi për konkurrentin e tij të pazakontë nga një kalimtar.

Burri, i cili kishte një vijë nxirjeje në trup që tregonte se më parë kishte veshur pantallona të shkurtra, ka ecur zbathur në një shesh për këmbësorë, përpara se të kthehej sërish drejt 42nd Street.

Në një moment, ai ka kaluar mes dy kalimtarëve të habitur, ndërsa dy gazetarë të The Post njoftuan një efektiv policie për situatën.

Një zëdhënës i NYPD tha se deri të premten pasdite nuk kishte informacion për ndonjë arrestim.

Vizitorët dhe shitësit ambulantë në Times Square e pritën me humor dhe habi këtë episod të pazakontë.

“Jetoje jetën, o burrë. Ke vetëm një jetë”, tha 18-vjeçari Kai.

Ndërsa 21-vjeçari Brock, pasi dëgjoi për burrin e zhveshur, fillimisht mendoi se bëhej fjalë për personin që luan kitarë në Times Square.

“Jo, po flet për djalin që luan kitarë?”, tha ai, përpara se të mësonte se bëhej fjalë për një tjetër person. “Mirë që nuk e pashë”, shtoi ai.

Një 31-vjeçar i quajtur Ty tha se temperaturat e larta mund të kishin ndikuar në sjelljen e burrit.

“Është shumë vapë për të ecur krejtësisht lakuriq në mes të verës”, tha ai, duke shtuar me humor: “Drogat… mos përdorni drogë. Dhe nëse përdorni, tregohuni të përgjegjshëm”.

Një grua që shpërndante karta për një biznes me qira armësh, pasi dëgjoi për ngjarjen, reagoi me humor: “Ky qytet është i jashtëzakonshëm”./Përktheu Piranjat News