Një aksident i rëndë rrugor është regjistruar në orët e para të mëngjesit në aksin Dukat–Orikum, n&eum...
BOTA
E rëndë/ Dy shqiptarë nga Maqedonia e Veriut vdesin në aksident në Serbi
PiranjatPërditësimi i fundit 21 Dhjetor 2025, 16:32
Dy persona kanë humbur jetën në mënyrë tragjike si pasojë e një aksidenti të rëndë rrugor të ndodhur gjatë ditës së sotme 21 dhjetor në Serbi, në autostradën Beograd–Nish. Sipas raportimeve të mediave lokale, viktimat janë një burrë dhe një grua, shqiptarë nga Maqedonia e Veriut.
Aksidenti ka ndodhur pranë daljes së Umçarit, kur automjeti me të cilin udhëtonin, një veturë e markës “Seat” me targa gjermane, ka humbur drejtimin dhe ka dalë nga rruga, duke pësuar dëmtime të rënda. Përplasja ka qenë fatale për dy pasagjerët, të cilët kanë ndërruar jetë në vendngjarje.
Në makinë ndodhej edhe një person i tretë, i cili ka pësuar lëndime serioze trupore. Ai është transportuar me urgjencë drejt një spitali, ku po merr trajtim mjekësor, ndërsa gjendja e tij shëndetësore raportohet e rëndë.
Sipas informacioneve paraprake, personat që udhëtonin me automjetin dyshohet se ishin në tranzit nëpër territorin e Serbisë dhe po udhëtonin drejt Maqedonisë së Veriut për të kaluar pushimet. Autoritetet serbe kanë nisur hetimet për të zbardhur shkaqet e aksidentit, ndërsa qarkullimi në këtë segment rrugor ka qenë i vështirësuar për një periudhë kohe.
