E rëndë në Itali, vëllai vret dy vëllezërit dhe më pas i jep fund jetës

Një ngjarje e rëndë ka ndodhur në zonën e Beneventos në Itali, ku një burrë ka vrarë me armë zjarri dy vëllezërit e tij dhe më pas ka vrarë edhe veten.

Sipas mediave italiane, ngjarja ka ndodhur në një restorant-hotel në Apice, në provincën e Beneventos, gjatë orëve të vona të mëngjesit të së martës, më 1 shtator, përpara se lokali të hapej për shërbimin e drekës. 

Pas të shtënave, në vendngjarje kanë mbërritur forcat e karabinierëve dhe ekipet e emergjencës, të cilat kanë konstatuar pasojat e rënda të ngjarjes. Restoranti ku ndodhi tragjedia ishte një biznes familjar, i drejtuar nga tre vëllezërit. Ndërkohë, autoritetet kanë nisur hetimet për të zbardhur shkaqet e plota të ngjarjes së rëndë