Kim Kardashian ka rrëfyer se kishte dyshime përpara martesës me ish-basketbollistin e NBA-së, Kris Humphries, por vendosi të vaz...
BOTA
E pazakontë/ “I ngrirë” për orë të tëra në Siberi, burri rikthehet në jetë pasi zemra i kishte ndaluar
PiranjatPërditësimi i fundit 11 May 2026, 09:36
Një ngjarje e rrallë mjekësore është regjistruar në Lindjen e Largët të Siberisë, ku një burrë arriti të mbijetojë pasi u gjet pa puls dhe me temperaturë trupore tepër të ulët, në kushte ekstreme të ftohti në rajonin e Yakutias në Rusi.
Sipas mediave lokale, burri po kthehej në shtëpi në qytetin e Mirnyt, pasi kishte kaluar natën jashtë. I rraskapitur nga të ftohtit dhe lodhja, ai u ul për të pushuar në një stol, por ra në gjumë ndërsa temperaturat gjatë natës zbrisnin deri në -20 gradë Celsius. Kalimtarët që e panë njoftuan menjëherë shërbimet e urgjencës, por gjendja e tij dukej pothuajse e pashpresë. Mjekët konstatuan se ai nuk kishte puls, tensioni i gjakut ishte zero dhe elektrokardiograma tregonte vijë të sheshtë, çka nënkuptonte vdekje klinike.
Megjithatë, ekipet mjekësore vendosën të mos dorëzoheshin. Në spital, anestezisti dhe intensivisti Dmitry Boshikov nisi një procedurë tepër delikate për ta rikthyer në jetë pacientin, duke rritur gradualisht temperaturën e trupit për të shmangur dëmtime fatale në organe dhe tru.
Për katër orë, temperatura e trupit të burrit u rrit ngadalë nga 24 në 34 gradë Celsius. Vetëm pasi u arrit ky nivel, mjekët nisën ringjalljen e avancuar kardiopulmonare. Pas 25 minutash përpjekjesh intensive, monitori shfaqi pulsin e parë të dobët. Në total, stabilizimi i funksioneve jetësore zgjati 5 orë e 34 minuta. Burri u mbajt në koma të induktuar për 24 orë dhe, kur u zgjua, mjekët mbetën të habitur: të gjitha funksionet jetësore rezultuan të paprekura. Pas vetëm pesë ditësh trajtim në spital, ai u lirua në gjendje të mirë shëndetësore, duke u konsideruar nga mjekët si një “mrekulli e gjallë” e shkencës moderne.
