Një tjetër protestë qytetare është thirrur këtë të hënë, më 27 korrik, përpara Parlamentit, me thi...
BOTA
Falimenton kompania e njohur e fluturimeve, ja arsyeja
PiranjatPërditësimi i fundit 6 Maj 2026, 11:04
Kompania ajrore Spirit Airlines ka para të mjaftueshme në dispozicion vetëm për të vazhduar operimet për disa ditë, jo javë, dhe bisedimet për një paketë shpëtimi të mbështetur nga qeveria kanë ngecur, sipas disa burimeve të njohura me diskutimet.
Duke u përballur me dy falimente që nga viti 2024 dhe me rritjen e çmimeve të karburantit për shkak të luftës me Iranin, Spirit ka kërkuar ndihmë nga qeveria federale.
Administrata e Donald Trump ka ofruar të vijë në ndihmë të kompanisë, duke shqyrtuar një marrëveshje ku qeveria do t’i japë Spirit një hua prej 500 milionë dollarësh në këmbim të së drejtës për të marrë kontrollin e 90% të kompanisë, sipas raportimeve të mëparshme të CBS News.
Por marrëveshja — e cila do ta bënte qeverinë kreditorin kryesor (që do të thotë se do të paguhej e para para të tjerëve) — nuk do të realizohet pa miratimin e kreditorëve të Spirit.
Disa prej mbajtësve të obligacioneve të Spirit vazhdojnë të kundërshtojnë marrëveshjen me qeverinë, thanë burimet.
Kompania Citadel e drejtuar nga Ken Griffin paraqiti një kundërpropozim, por ai u refuzua nga qeveria. Dy kreditorë të tjerë — Ares Management Corporation dhe Cyrus Capital — janë gjithashtu kundër planit të qeverisë, thanë dy zyrtarë amerikanë për CBS News.
Një seancë gjyqësore për falimentin, e planifikuar për të enjten, u shty, sipas një dokumenti gjykate të së mërkurës, ku thuhej se bisedimet për paketën e shpëtimit po vazhdojnë.
Javën e kaluar u zbulua në një seancë gjyqësore për falimentin se Spirit kishte anashkaluar një pagesë interesi, gjë që mund ta vendosë kompaninë në mospagim sipas marrëveshjes me kreditorët. Kreditorët ende nuk kanë dhënë njoftim se do ta zbatojnë këtë mospagim, sipas një dokumenti gjykate. Spirit ka rreth 250 milionë dollarë në cash, por kreditorët kanë të drejtë mbi këto fonde.
Presidenti Trump ka thënë se është i hapur për një marrje në kontroll nga qeveria të Spirit “për çmimin e duhur”, duke argumentuar se kjo mund të shpëtojë mijëra vende pune dhe duke shtuar se kompania ka “disa avionë të mirë” dhe “disa asete të vlefshme”. Spirit kishte marrë me qira shumicën e avionëve deri në fund të vitit 2025 dhe ka nisur të zvogëlojë flotën këtë vit si pjesë e procesit të riorganizimit të falimentit.
Administrata Trump po shqyrton përdorimin e kompetencave emergjente të Aktit të Prodhimit të Mbrojtjes për t’i dhënë Spirit një hua, sipas raportimeve të CBS News javën e kaluar. Kapaciteti i tepërt i linjës ajrore mund të përdoret më pas për operacione ushtarake, si transporti i trupave dhe mallrave. Kompania më pas ka gjasa të shitet tek një linjë tjetër ajrore pasi të dalë nga falimenti.
Një zyrtar i Shtëpisë së Bardhë tha: “Administrata Trump vazhdon të monitorojë gjendjen e industrisë amerikane të aviacionit dhe të shqyrtojë opsione të mundshme për të ndihmuar pasagjerët dhe punonjësit e linjave ajrore.”
Përfaqësuesit e Spirit Airlines nuk iu përgjigjën menjëherë kërkesës së CBS News për koment të mërkurën./Përktheu Piranjat News
Një grup botuesish dhe romancieri bestseller Scott Turow po padisin kompaninë Meta dhe themeluesin e saj, Mark Zuckerberg, duke pretenduar se gjigan...
