Një zjarr i përmasave të mëdha ka përfshirë pasditen e sotme Pyllin e Sodës në Vlorë, duke krijuar një re t&...
BOTA
Financial Times: Rusia dërgon dronë, ushqim dhe pajisje mjekësore në Iran
PiranjatPërditësimi i fundit 26 Mars 2026, 09:48
Rusia po përfundon një operacion të organizuar për të dërguar gradualisht ndihma drejt Iran, që përfshijnë dronë, pajisje mjekësore dhe ushqime, raporton Financial Times duke cituar burime nga shërbimet perëndimore të inteligjencës.
Sipas raportimit, negociatat mes zyrtarëve të lartë rusë dhe iranianë për furnizimin me dronë kanë nisur në mënyrë të fshehtë vetëm disa ditë pas sulmeve të para ndaj Teheranit nga Izrael dhe Shtetet e Bashkuara të Amerikës muajin e kaluar. Burimet bëjnë me dije se dërgesat nisën në fillim të marsit dhe pritet të përfundojnë deri në fund të muajit.
Rusia ka mbetur një aleate e ngushtë e Iranit në këtë periudhë tensioni, ndërsa marrëdhëniet mes dy vendeve janë forcuar gjatë viteve të fundit, veçanërisht në kontekstin e luftës në Ukrainë.
Presidenti ukrainas Volodymyr Zelensky ka deklaruar vazhdimisht se Moska po i ofron mbështetje dhe inteligjencë Teheranit. Së fundmi, ai ka pretenduar se Rusia ka tentuar të ushtrojë presion ndaj Shtetet e Bashkuara të Amerikës, duke sugjeruar ndalimin e ndarjes së inteligjencës me Iranin në këmbim të ndërprerjes së mbështetjes amerikane për Kievin.
Ndërkohë, zëdhënësi i Kremlinit, Dmitry Peskov, ka hedhur poshtë raportimet për dërgesa ushtarake, duke i cilësuar si “lajme të rreme”, por ka konfirmuar vijimin e dialogut me udhëheqjen iraniane.
