Kolonët izraelitë u kanë vënë zjarrin dy xhamive, si dhe makinave dhe tokës bujqësore në Bregun Perëndimor të...
BOTA
Gabi: Murgu i parë budist, robot, i shuguruar zyrtarisht
PiranjatPërditësimi i fundit 7 Maj 2026, 18:07
Një ngjarje e pazakontë ka tërhequr vëmendjen në Korenë e Jugut, ku është prezantuar murgji i parë robot humanoid në historinë e vendit.
Roboti, i quajtur Gabi, bëri debutimin e tij zyrtar në Tempulli Jogye, pak para festimeve për ditëlindjen e Budës. Emri “Gabi” përkthehet si “mëshira e Budës”.
Sipas Urdhrit Jogye, ai është roboti i parë që shugurohet zyrtarisht si murg në vend.
I veshur me rroba tradicionale budiste dhe me gjatësi 130 centimetra, roboti humanoid mori pjesë në ceremoninë solemne përkrah murgjve të lartë budistë. Gjatë ceremonisë, një prej murgjve e pyeti nëse do t’ia kushtonte jetën budizmit, ndërsa Gabi u përgjigj: “Po, do ta bëj.”
Në një tjetër pyetje mbi përkushtimin ndaj mësimeve të shenjta, roboti përsëriti: “Po, do ta bëj.”
Pamjet e publikuara nga Reuters tregojnë robotin duke bashkuar duart dhe duke u përkulur me respekt, sipas traditës budiste. Në fund të ceremonisë, murgjit vendosën rreth qafës së tij një rruzare me 108 rruaza, simbol i rëndësishëm në ritualet budiste.
Megjithatë, ndonëse Gabi mori pjesë edhe në ritualin e djegies së temjanit, atij iu vendos simbolikisht një afishe, duke theksuar natyrën teknologjike të “murgut” të ri.
Sipas Urdhrit Jogye, emri i robotit është frymëzuar nga Siddhartha dhe nga një shprehje koreane që lidhet me dhembshurinë dhe mirësinë. /PiranjatNews/
