Ghalibaf: Irani nuk ka paqe me SHBA-në dhe nuk do ta njohë Izraelin

Kryetari i Parlamentit iranian dhe kryenegociatori Mohammad Bagher Ghalibaf deklaroi se Irani vijon të ketë mosmarrëveshje të thella me Shtetet e Bashkuara, pavarësisht memorandumit të mirëkuptimit të nënshkruar së fundmi. Ai theksoi se zbatimi i marrëveshjes mbetet i vështirë, ndërsa ritheksoi se Teherani nuk do ta njohë Izraelin dhe do të vazhdojë mbështetjen për të ashtuquajturin "bosht i rezistencës”, përmes mjeteve ushtarake dhe diplomatike, sipas nevojës.

Sipas mediave të huaja, ai vuri në dukje se Irani duhet të shmangë negociatat vetëm për hir të negociatave.
Ghalibaf tha gjithashtu se paqja në Liban nuk mund të ruhet pa Iranin dhe atë që ai e përshkroi si rolin stabilizues të Teheranit në rajon.

Kryenegociatori i Iranit i bëri këto komente gjatë një takimi në Teheran me Mohammad Fnais, një zyrtar i lartë i Hezbollahut, i cili gjithashtu udhëtoi për në Iran për të marrë pjesë në funeralin e Khameneit. Mësohet se, Ghalibaf ka thënë se Teheran e ka bërë Libanin një çështje qendrore në negociatat që çuan në nënshkrimin e memorandumit të mirëkuptimit Iran-SHBA.

"Ne i vumë theks të veçantë integritetit territorial dhe sovranitetit të Libanit", tha ai.

Në të njëjtën kohë, ai vlerësoi veprimin e Hezbollahut kundër Izraelit në anën e Iranit gjatë luftës SHBA-Izrael, duke e përshkruar atë si një pikë kthese në histori, e cila nxori në pah lidhjen e pathyeshme midis Iranit dhe organizatave të boshtit të rezistencës.