Real Madridi kërkoi falje të mërkurën pasi sulmuesi i tyre francez, Kylian Mbappe, shkaktoi reagime të ashpra për komentet e tij d...
BOTA
Greqi/ Çmontohet banda e drogës që shpërndante kokainë dhe kanabis në shkolla, 12 të arrestuar
PiranjatPërditësimi i fundit 20 December 2025, 16:12
Një organizatë kriminale që merrej me trafikimin e kokainës dhe kanabisit, përfshirë edhe shpërndarjen e lëndëve narkotike brenda shkollave në rajonin e Atikës, është çmontuar nga oficerët e Drejtorisë së Sigurisë së Atikës. Sipas policisë greke (ELAS), 12 persona u arrestuan, mes tyre drejtuesi 20-vjeçar i bandës, zëvendëskryetari 19-vjeçar dhe gjashtë të mitur. Hetimet zbuluan se organizata funksiononte me rregulla të rrepta disiplinore, ndërsa shkelja e tyre ndëshkohej me gjoba dhe dhunë fizike ndaj anëtarëve.
Gjatë operacionit policor të zhvilluar të enjten në mëngjes në zona të ndryshme të Atikës, u identifikuan 12 anëtarë të tjerë të organizatës, të moshës nga 15 deri në 56 vjeç, të cilët janë shpallur në kërkim, si dhe edhe shtatë persona të tjerë të përfshirë në aktivitetin kriminal. Ndaj tyre është ngritur padi për krijim dhe pjesëmarrje në organizatë kriminale me qëllim trafikimin e drogës dhe përfitimin e paligjshëm material.
Po ashtu, u arrestuan pesë persona që kishin përgjegjësi prindërore ndaj autorëve të mitur, ndaj të cilëve u hap një çështje penale për neglizhencë në mbikëqyrje. Sipas hetimeve paraprake të Departamentit të Ndërhyrjes Direkte kundër Drogës, organizata kishte vepruar që nga tetori i këtij viti, me role të ndara qartë dhe veprimtari të vazhdueshme. Ajo kishte një strukturë hierarkike, me një drejtues dhe një zëvendësdrejtues, nën të cilët funksiononin tre grupe operative.
Drejtuesi kishte kontroll të plotë mbi aktivitetet e bandës, duke dhënë urdhra dhe përcaktuar strategjinë e shpërndarjes së drogës. Zëvendëskryetari përdorte banesën e tij si pikë magazinimi të lëndëve narkotike, ndërsa një park në zonën e Patisias shërbente si vend takimi për shpërndarjen e drogës. Sipas ELAS, një nga anëtarët e grupit ishte i përfshirë në trafikim edhe gjatë ndeshjeve të futbollit, brenda një fushe sportive. Një tjetër element shqetësues ishte fakti se dy të mitur transportuan drogë gjatë një ekskursioni shkollor në zonën e Hanias, duke treguar shtrirjen dhe guximin e veprimtarisë kriminale. Hetimet për rastin vijojnë, ndërsa autoritetet theksojnë se çështja ngre shqetësime serioze për përfshirjen e të miturve në rrjete kriminale dhe shpërndarjen e drogës në ambiente arsimore.
