Zonat malore në qarkun e Kukësit po përjetojnë kushte klimaterike dimërore, ndonëse jemi ende në fund të muajit tetor.
...
BOTA
Sulmi me 16 viktima në Australi/ Kryeministri Albanese paralajmëron ligje më të ashpra për armët
PiranjatPërditësimi i fundit 15 December 2025, 09:03
Kryeministri i Australisë, Anthony Albanese deklaroi se qeveria australiane po shqyrton ligje më të ashpra për armët pas të shtënave në Bondi Beach.
“Qeveria është e përgatitur të ndërmarrë çdo veprim të nevojshëm – përfshirë këtu edhe ligje më të ashpra për armët”, thotë ai.
Sipas tij, kjo do të përfshinte kufizime në numrin e armëve që mund të licencohen nga individët, kontrolle më të mëdha dhe një rishikim të licencave gjatë një periudhe kohore.
“Veprimet e nevojshme do të paraqiten në mbledhjen e ardhshme të kabinetit në orën 16:00 sipas orës lokale”, tha Albanese.
Nëse ligjet ekzistuese duhen shtrënguar, “Unë jam sigurisht dakord”.
“Rrethanat e njerëzve ndryshojnë, njerëzit mund të radikalizohen me kalimin e një periudhe kohore, licencat nuk duhet të lëshohen përgjithmonë”, shtoi ai.
Bilanci i viktimave nga sulmi me armë zjarri në plazhin Bondi në Sidney të Australisë ka shkuar në 16.
40 persona të tjerë ndodhen ende të shtruar në spital, disa prej tyre në gjendje të rëndë. Sulmi ndodhi gjatë një aktiviteti të komunitetit hebre, ku qindra persona ishin mbledhur për të festuar ditën e parë të Hanukës.
